Кыргызстан ислам университетинин 531600 Теология багыты программалык аккредитацияны Билим берүү программаларын жана уюмдарын аккредитациялоо агентигинен (ББПжУАА) ийгиликтүү өттү.

Кыргызстан Ислам университети 531600 «Теология» билим берүү программасы Билим берүү программаларын жана уюмдарын аккредитациялоо агенттигинин (ББПжУАА) программалык аккредитациясынан ийгиликтүү өткөнүн сыймыктануу менен билдирет. Көз карандысыз тышкы баалоонун жыйынтыгында аталган билим берүү программасы 5 жылдык мөөнөткө аккредитациядан өтүп, билим берүүнүн сапаты боюнча мамлекеттик талаптарга, заманбап билим берүү стандарттарына жана сапатты камсыздоо системасынын жогорку деңгээлине жооп берери тастыкталды. Бул ийгилик – университеттин жетекчилигинин, профессордук-окутуучулук курамдын, кызматкерлердин, студенттердин, бүтүрүүчүлөрдүн жана иш берүүчүлөрдүн биргелешкен үзүрлүү эмгегинин жыйынтыгы. Кыргызстан Ислам университетинин жалпы жамаатын бул маанилүү жетишкендик менен чын жүрөктөн куттуктайбыз! Университетке мындан аркы ийгиликтерди, өсүп-өнүгүүнү, эл аралык деңгээлдеги жаңы жетишкендиктерди жана өлкөбүздүн өнүгүшүнө салым кошо турган жогорку квалификациялуу адистерди даярдоодо зор ийгиликтерди каалайбыз!