КИУнун бүтүрүүчүсү жана ардактуу окутуучусу маркум Чубак ажы Жалиловго «Кыргыз Республикасынын Эл Баатыры» эң жогорку артыкчылык даражасы ыйгарылды

КИУнун бүтүрүүчүсү жана ардактуу окутуучусу маркум Чубак ажы Жалиловго «Кыргыз Республикасынын Эл Баатыры» эң жогорку артыкчылык даражасы ыйгарылды. Кыргызстан Ислам университетинин бүтүрүүчүсү, окуу жайыбыздын ардактуу окутуучусу, белгилүү аалым жана коомдук ишмер, маркум Чубак ажы Жалиловго Кыргыз Республикасынын эң жогорку мамлекеттик сыйлыгы – «Кыргыз Республикасынын Эл Баатыры» артыкчылык даражасы ыйгарылды. Бул эң жогорку сыйлык Чубак ажы Жалиловдун өлкөнүн руханий өнүгүшүнө, диний агартуу ишине, билим берүү тармагына жана коомдо адеп-ахлактык баалуулуктарды жайылтууга кошкон өзгөчө салымы үчүн ыйгарылды. Чубак ажы Жалилов Кыргызстан Ислам университетинин алгачкы бүтүрүүчүлөрүнүн бири катары окуу жайынын өнүгүшүнө зор салым кошуп, көп жылдар бою студенттерге сабак берип, жаш муундарды илимге, адептүүлүккө жана мекенчилдикке тарбиялоого өмүрүн арнаган. Кыргызстан Ислам университетинин жамааты бул тарыхый чечимди терең сыймыктануу менен кабыл алып, маркум устазыбыз Чубак ажы Жалиловдун жаркын элесине таазим этет. Анын илимий, агартуучулук жана руханий мурасы кийинки муундар үчүн баалуу өрнөк бойдон кала берет.