Кыргызстан Ислам университетинин доценти устаз Ибраев Марс Каипович «Ардак» медалы менен сыйланды.

Кыргызстан Ислам университетинин доценти устаз Ибраев Марс Каипович «Ардак» медалы менен сыйланды. Кыргызстан Ислам университетинин окутуучусу, устаз Ибраев Марс Каипович Кыргыз Республикасынын Жогорку Кеңешинин «Ардак» медалы менен сыйланды. Жогорку мамлекеттик сыйлык Марс Каиповичке билим берүү тармагындагы көп жылдык үзүрлүү эмгеги, жаш муундарды окутуу жана тарбиялоодогу зор салымы, илимий-педагогикалык ишмердүүлүгү жана коомдун руханий баалуулуктарын чыңдоого кошкон салымы үчүн ыйгарылды. Ибраев Марс Каипович Кыргызстан Ислам университетинде көп жылдан бери үзүрлүү эмгектенип, студенттерге сапаттуу билим берүүдө, илимий-агартуу иштерин жүргүзүүдө жана жогорку квалификациялуу адистерди даярдоодо өзүнүн кесипкөйлүгүн көрсөтүп келет. Кыргызстан Ислам университетинин жамааты Марс Каиповичти жогорку мамлекеттик сыйлыгы менен чын жүрөктөн куттуктап, чың ден соолук, үй-бүлөлүк бакыт жана мындан аркы илимий-педагогикалык ишмердүүлүгүнө ийгиликтерди каалайт.