Улуттук дин агенттиги жана муфтият КИУнун узсаздарына сыйлык тапшырды

Улуттук дин агенттиги жана Муфтият КИУнун устаздарына сыйлык тапшырды. Кыргызстан Ислам университетинде өткөн бүтүрүүчүлөрдү узатуу аземинин алкагында университеттин профессордук-окутуучулук курамынын өкүлдөрү мамлекеттик жана диний мекемелер тарабынан сыйлыктарга татыктуу болушту. Кыргыз Республикасынын Президентине караштуу Дин иштери жана этностор аралык мамилелер боюнча Улуттук агенттигинин төрагасынын орун басары Айбек Жакенович Иминов университеттин проректорлору Матраимов Абдуваси Нусуровичке жана Ниязов Бакыт устазга төш белги тапшырып, ошондой эле бир катар окутуучуларды «Ардак грамота» менен сыйлады. Мындан тышкары, Кыргыз мусулмандарынын дин башкармалыгынын Диний билим берүү бөлүмүнүн башчысы Равшан ажы Эратов университеттин окутуучуларына «Ардак грамоталарды» тапшырып, алардын диний билим берүү тармагындагы үзүрлүү эмгегин жогору баалады. Бул сыйлыктар университеттин окутуучуларынын билим берүү, илим жана руханий тарбия жаатындагы жоопкерчиликтүү эмгегине берилген жогорку баа болуп саналат. Кыргызстан Ислам университетинин жамааты сыйлык ээлерин чын жүрөктөн куттуктап, алардын мындан аркы ишмердүүлүгүнө ийгиликтерди каалайт.