Кыргызстан Ислам университетинин ага окутуучусу Касымова Гулбара эжекебиз Кыргыз Республикасынын Мусулмандарынын Дин Башкармалыгы тарабынан уюштурулган «Жылдын мыкты мугалими – 2025» номинациясында жогорку бааланып, «Мыкты мугалим» сыйлыгына татыктуу болду.

Кыргызстан Ислам университетинин ага окутуучусу Касымова Гулбара эжекебиз Кыргыз Республикасынын Мусулмандарынын Дин Башкармалыгы тарабынан уюштурулган «Жылдын мыкты мугалими – 2025» номинациясында жогорку бааланып, «Мыкты мугалим» сыйлыгына татыктуу болду. Бул сыйлык — эжекебиздин көп жылдык үзүрлүү эмгегинин, билим берүү тармагындагы жогорку кесипкөйлүгүнүн, студенттерге болгон өзгөчө камкордугунун жана руханий-адептик тарбия берүүдөгү зор салымынын жыйынтыгы болуп саналат. Касымова Гулбара эжеке өзүнүн сабырдуулугу, терең билими, жөнөкөйлүгү жана адамгерчилиги менен студенттерге гана эмес, жалпы жамаатка үлгү болуп келет. Анын окутуудагы жоопкерчиликтүү мамилеси, жаш муундарды илимге, адеп-ахлакка жана жакшы сапаттарга үндөгөн эмгеги ар дайым жогору бааланып келет. Урматтуу Гулбара эжеке, сизди чын жүрөктөн куттуктайбыз! Бул сыйлык сиздин талыкпаган эмгегиңиздин, ак ниет кызматыңыздын жана билим берүү тармагындагы үзүрлүү ишиңиздин татыктуу баасы болсун. Сизге бекем ден соолук, узун өмүр, үй-бүлөлүк бакыт, чыгармачылык ийгиликтерди жана мындан аркы ишмердүүлүгүңүздө чоң жетишкендиктерди каалайбыз. Аллах Таала ишиңизге береке берип, илим жолундагы эмгегиңизди мындан ары да ийгиликтер менен коштосун. Студенттериңиздин урмат-сыйына бөлөнүп, дагы көптөгөн ийгиликтерге жете бериңиз!