Л.Н.Гумилев атындагы Евразиялык улуттук университеттин окутуучусу Карабекова Енлик Куралгазы кызы "Исламдагы толеранттуулук жана светтүүлүк" атту конок лекция окуду.

Л.Н. Гумилев атындагы Евразиялык улуттук университеттин окутуучусу Карабекова Енлик Куралгазы кызы Кыргызстан Ислам университетинде “Исламдагы толеранттуулук жана светтүүлүк” аттуу мазмундуу конок лекция өттү. Аталган лекциянын негизги максаты — студенттерге ислам дининдеги толеранттуулук түшүнүгүн, дин аралык ынтымактын маанисин жана азыркы коомдогу светтик принциптердин ордун илимий негизде түшүндүрүү болду. Иш-чарага университеттин окутуучулары, студенттери жана илимге кызыккан жаштар активдүү катышып, лекцияны чоң кызыгуу менен угушту. Лекциянын жүрүшүндө Карабекова Енлик Куралгазы кызы ислам дининин тынчтыкты, сабырдуулукту, өз ара урматтоону жана адамгерчиликти даңазалаган баалуулуктарына кеңири токтолду. Ошондой эле ал көп улуттуу жана көп конфессиялуу коомдо толеранттуулуктун мааниси, маданияттар аралык диалог жана коомдогу ынтымакты сактоодогу диндин ролу тууралуу маанилүү ойлорун бөлүштү. Мындан тышкары, конок лектор светтик мамлекет түшүнүгү, анын негизги принциптери жана диний баалуулуктар менен болгон өз ара байланышы тууралуу илимий көз караштарын сунуштады. Ал азыркы глобалдашуу доорунда жаштардын туура дүйнө таанымын калыптандырууда билим берүүнүн жана руханий тарбиянын орду өзгөчө маанилүү экенин белгиледи. Лекция суроо-жооп форматында улантылып, студенттер өздөрүн кызыктырган суроолорго жооп алышты. Катышуучулар мындай жолугушуулар алардын илимий дүйнө таанымын кеңейтүүгө жана актуалдуу темалар боюнча терең билим алууга чоң өбөлгө түзөрүн белгилешти. Кыргызстан Ислам университетинин жамааты Карабекова Енлик Куралгазы кызына мазмундуу лекциясы жана пайдалуу маалыматтары үчүн терең ыраазычылык билдирет. ✨ Илимий жана маданий кызматташтык мындан ары да бекемделе берсин! 📚 Жаштардын билимге жана руханий өнүгүүгө болгон умтулуусу арта берсин!