Кыргызстан Ислам университети ишембилик өткөрдү. 20-сентябрь 2025

20-сентябрь 2025-жыл. Кыргызстан Ислам университетинде айлана-чөйрөнү тазалоо жана көрктөндүрүү максатында жалпы ишембилик өткөрүлдү. Ишембиликке университеттин жетекчилиги, окутуучулар, кызматкерлер жана студенттер активдүү катышып, окуу жайдын аймагын тазалоо, ирээтке келтирүү жана жашыл аймактарды көрктөндүрүү иштерин жүргүзүштү. Катышуучулар биргеликте короолорду шыпырып, таштандыларды тазалап, бак-дарактарды иретке келтирип, айлана-чөйрөнүн тазалыгына өз салымдарын кошушту. Мындай иш-чаралар эмгекке болгон жоопкерчиликти арттырып, жамааттык ынтымакты бекемдөөгө, тазалык маданиятын калыптандырууга жана жаштарды айлана-чөйрөгө аяр мамиле кылууга тарбиялоого чоң өбөлгө түзөт. Ишембиликтин жүрүшүндө катышуучулар жакшы маанайда эмгектенип, биримдиктин жана кызматташтыктын үлгүсүн көрсөтүштү. Университет жамааты мындай пайдалуу иш-чаралар мындан ары да үзгүлтүксүз өткөрүлүп турарын белгиледи. ✨ Тазалык — ыймандын жарымы! 🌿 Таза айлана-чөйрө — сергек жана бакубат коомдун негизи!