Кыргыз Республикасынын Мамлекеттик тил күнүнө арналган мазмундуу иш-чара болуп өттү.

Бүгүн окуу жайыбызда Кыргыз Республикасынын Мамлекеттик тил күнүнө арналган чакан, бирок мазмундуу иш-чара болуп өттү. Иш-чаранын негизги максаты — мамлекеттик тилдин коомдогу ордун даңазалоо, кыргыз тилинин баалуулугун жаш муундарга жеткирүү, эне тилге болгон сүйүүнү жана урмат-сыйды арттыруу болду. Иш-чаранын жүрүшүндө мамлекеттик тилдин тарыхы, анын улуттук иденттүүлүктү сактоодогу мааниси жана бүгүнкү күндөгү ролу тууралуу маанилүү ойлор айтылды. Ошондой эле кыргыз тилинин өнүгүшүнө ар бир жарандын кошкон салымы маанилүү экени баса белгиленди. Студенттер менен мугалимдер тарабынан кыргыз тилине арналган көркөм окуулар, ырлар, чакан баяндамалар жана кызыктуу маданий программалар тартууланып, катышуучуларга жакшы маанай тартуулады. Иш-чара жаштардын мамлекеттик тилге болгон кызыгуусун арттырып, улуттук баалуулуктарды урматтоого үндөдү. Бул иш-чарага КИУнун тарбия жана социалдык иштери боюнча проректору Ниязов Бакытбек устаз, Экспертиза жана диний уюмдар менен өз ара аракеттенүү бөлүмүнүн башкы адиси Нургазы Кыргызбаев, Шарият кафедрасынын башчысы Лутфилла уулу Салих устаз жана бир катар окутуучулар катышып, мамлекеттик тилди өнүктүрүү боюнча өз ойлору менен бөлүшүштү. ✨ Мамлекеттик тилибиздин кадыр-баркы ар дайым бийик болсун! 📚 Кыргыз тили — улуттук мурасыбыздын жана руханий байлыгыбыздын ажырагыс бөлүгү!