Литва Республикасынын белгилүү окумуштуусу, саясий илимдердин доктору, ислам таануу профессору, Каунас шаарындагы Улуу Витовт университетинин өкүлү Эгдунас Рачюс Кыргызстан Ислам университетине келип, студенттер жана окутуучулар үчүн конок лекция өттү.

Литва Республикасынын белгилүү окумуштуусу, саясий илимдердин доктору, ислам таануу профессору, Каунас шаарындагы Улуу Витовт университетинин өкүлү Эгдунас Рачюс Кыргызстан Ислам университетине келип, студенттер жана окутуучулар үчүн конок лекция өттү. Аталган лекциянын негизги максаты — ислам таануу, дин аралык байланыштар жана азыркы дүйнөдөгү диний процесстер боюнча эл аралык илимий тажрыйба менен бөлүшүү болду. Иш-чарага университеттин окутуучулары, студенттери жана изилдөөчүлөрү активдүү катышып, профессордун баяндамасын кызыгуу менен угушту. Лекциянын жүрүшүндө Эгдунас Рачюс дүйнөдөгү исламдын өнүгүү тенденциялары, Европадагы мусулмандардын абалы, диний иденттүүлүк маселелери жана дин аралык диалогдун мааниси тууралуу кеңири маалымат берди. Ошондой эле ал глобалдашуу шартында диний билим берүүнүн ролу, толеранттуулук жана маданияттар аралык өз ара түшүнүшүүнүн мааниси тууралуу өзүнүн илимий көз караштары менен бөлүштү. Катышуучулар лекциянын соңунда өздөрүн кызыктырган суроолорун берип, профессор менен ачык форматта пикир алышууга мүмкүнчүлүк алышты. Мындай эл аралык деңгээлдеги жолугушуулар студенттердин илимий дүйнө таанымын кеңейтүүгө, жаңы билимдерди өздөштүрүүгө жана академиялык байланыштарды чыңдоого чоң өбөлгө түзөт. Кыргызстан Ислам университетинин жетекчилиги профессор Эгдунас Рачюска мазмундуу лекциясы жана илимий тажрыйбасы менен бөлүшкөнү үчүн ыраазычылык билдирип, мындан аркы академиялык кызматташтыкты өнүктүрүүгө кызыкдар экенин белгиледи. ✨ Эл аралык илимий байланыштар бекемделе берсин! 📚 Илим жана билим аркылуу өлкөлөр ортосундагы достук жана кызматташтык мындан ары да өнүгө берсин!