"Жаштар экстремизге каршы" аталыштагы кичи футболдон устаздар 2-чи орунду ээлешти

“Жаштар экстремизмге каршы” аталыштагы кичи футбол боюнча өткөрүлгөн спорттук мелдеште Кыргызстан Ислам университетинин устаздар командасы ийгиликтүү оюн көрсөтүп, ардактуу 2-орунду ээледи. Бул турнир жаштар арасында сергек жашоо образын жайылтуу, ынтымакты бекемдөө, экстремизм менен радикализмге каршы түшүндүрүү иштерин жүргүзүү жана спорт аркылуу достук мамилелерди өнүктүрүү максатында уюштурулду. Мелдештин жүрүшүндө КИУнун устаздары жогорку деңгээлдеги даярдыгын, биримдигин жана спорттук чеберчилигин көрсөтүп, көрүүчүлөрдүн жана катышуучулардын алкоосуна татыды. Команданын оюнчулары ар бир беттеште күч-аракетин жумшап, жеңишке болгон умтулуусун жана ынтымактуу оюнун даана көрсөтө алышты. Мындай спорттук иш-чаралар жаштарды терс көрүнүштөрдөн алыс болууга үндөп, ден соолукту чыңдоого, достукту жана биримдикти бекемдөөгө чоң салым кошот. 🏆 Кыргызстан Ислам университетинин устаздар командасын жеңиши менен чын жүрөктөн куттуктайбыз! ⚽ Алдыдагы мелдештерде дагы ийгиликтерди жана жаңы жеңиштерди каалайбыз!