КИУда араб тилинен кошумча сабактар башталды

КИУнун тажрыйбалуу мугалими Элдияр кары Көбөнов устаздын жетекчилиги алдында араб тилинин грамматикасына арналган кошумча сабактар башталды. Бул сабактар араб тилин терең өздөштүрүүгө кызыккан студенттер жана илим талап кылуучулар үчүн уюштурулуп, белгилүү «Мутаммиматул-Ажуррумиййа» (متممة الآجرومية) китебинин негизинде өткөрүлөт. Сабактарда араб тилинин грамматикалык эрежелери, сүйлөм түзүлүшү, сөздөрдүн өзгөрүүсү жана тилдин өзгөчөлүктөрү кеңири түшүндүрүлүп, практикалык мисалдар менен бекемделет. Кошумча сабактар балдар жана кыздар үчүн өз-өзүнчө уюштурулуп, ар бир катышуучунун билим деңгээлин жогорулатууга жана араб тилин туура түшүнүп, эркин окуп-үйрөнүүсүнө көмөк көрсөтөт. 📆 Сабактар ар жума сайын дүйшөмбү жана шаршемби күндөрү өткөрүлөт. 📚 Илимге умтулган бардык каалоочуларды сабактарга катышууга чакырабыз! ✨ Илим жолундагы ар бир кадамыңыздар берекелүү болсун!