“Илим талап кылуучунун алгач көңүл бөлө турган амалы” деген темада семинар болуп өттү.

Кыргызстан ислам университетинде «Илим талап кылуучунун алгач көңүл бөлө турган амалы» аттуу темада пайдалуу жана мазмундуу семинар болуп өттү. Таалим өзгөчө жылуу, руханий жана таасирдүү маанайда өттү 😊 Зал илимди сүйгөн айымдарга толуп, катышуучулар сабакты чоң кызыгуу жана чын ыклас менен угушту. Ар бир айым өзүнө пайдалуу болгон маанилүү ойлорду жазып алып, илимге болгон сүйүүсүн жана умтулуусун дагы бир ирет көрсөтө алышты. Семинар учурунда устаза илимдин артыкчылыгы, илим алуудагы адеп-ахлак, ниеттин тазалыгы жана илим талап кылуучунун жоопкерчилиги тууралуу терең баян кылды. Ошондой эле жүрөктү тазалоо, руханий тарбия жана адамдын ички дүйнөсүн өнүктүрүүнүн маанилүүлүгү жөнүндө таасирдүү насааттарын айтты 🫂 Таалимдин жүрүшүндө катышуучулар өздөрүн кызыктырган суроолорун берип, пайдалуу жоопторду алышты. Семинар илимге болгон кызыгууну арттырып гана тим болбостон, руханий жактан да чоң мотивация жана дем берди. Бизге келип, убактысын бөлүп катышкан бардык айымдарыбызга терең ыраазычылык билдиребиз 😊 Аллах Таала илимибизге береке берип, пайдалуу илим насип кылсын! Ошондой эле сиздерди кийинки таалим-сабактарыбыздан да күтөбүз ✨