Кыргызстан Ислам университетинде «Манас» - эпосунун күнү­нө карата, кыздар арасында «Манас – улут биримдиги жана ынтымагы» аттуу интеллектуалдык оюн болуп өттү.

Кыргызстан Ислам университетинде (КИУ) Манас эпосунун күнүнө карата кыздар арасында «Манас — улут биримдиги жана ынтымагы» аттуу интеллектуалдык оюн болуп өттү. Иш-чаранын негизги максаты — жаштардын улуттук маданий мураска болгон кызыгуусун арттыруу, улуу «Манас» эпосун даңазалоо, ошондой эле студенттер арасында мекенчилдикти, биримдикти жана руханий баалуулуктарды чыңдоо болду. Интеллектуалдык оюнда катышуучулар «Манас» эпосу, кыргыз элинин тарыхы, каада-салты, маданияты жана руханий мурасы боюнча өз билимдерин көрсөтүштү. Оюн активдүү, достук жана кызыктуу маанайда өтүп, студент кыздар өздөрүнүн эрудициясын, логикалык ой жүгүртүүсүн жана команда менен иштөө жөндөмдөрүн көрсөтүүгө мүмкүнчүлүк алышты. Иш-чаранын жүрүшүндө эпостун каармандары, улуттук баалуулуктар, элдин биримдиги жана чыгармада чагылдырылган ынтымак идеялары боюнча мазмундуу суроолор берилди. Катышуучулар суроолорго активдүү жооп берип, жогорку деңгээлдеги даярдыгын көрсөтүштү. Уюштуруучулар мындай иш-чаралар улуттук мурастарды сактоодо, жаштарды мекенчилдикке тарбиялоодо жана кыргыз элинин тарыхы менен маданиятына болгон кызыгууну арттырууда маанилүү роль ойной турганын белгилешти.