Уфа шаарындагы Россия Ислам университети менен Кыргызстан Ислам университетинин ортосунда онлайн жолугушуу болуп отту.

Россия Ислам университети менен Кыргызстан Ислам университетинин (КИУ) ортосунда билим берүү жана илим тармагындагы эл аралык кызматташтыкты мындан ары өнүктүрүү маселелерине арналган онлайн жолугушуу болуп өттү. Жолугушуунун жүрүшүндө эки университеттин өкүлдөрү өнөктөштүк мамилелерди чыңдоо перспективаларын, студенттер менен окутуучулардын академиялык мобилдүүлүгүн өнүктүрүү, биргелешкен билим берүү жана илимий-изилдөө долбоорлорун ишке ашыруу, ошондой эле исламдык билим берүү жана заманбап окутуу технологиялары жаатында тажрыйба алмашуу маселелерин талкуулашты. Өзгөчө көңүл биргелешкен конференцияларды, семинарларды, илимий публикацияларды уюштуруу жана профессордук-окутуучулук курамдын квалификациясын жогорулатуу программаларын ишке ашыруу маселелерине бурулду. Тараптар эл аралык академиялык байланыштарды чыңдоонун жана билим берүү мекемелеринин ортосундагы кызматташтыкты кеңейтүүнүн маанилүүлүгүн белгилешти. Онлайн жолугушуунун жыйынтыгында Россия Ислам университети менен Кыргызстан Ислам университетинин ортосундагы эки тараптуу кызматташуу келишимин узартуу чечими кабыл алынды. Эки тараптын өкүлдөрү мындан аркы кызматташтык илимий-билим берүү байланыштарын өнүктүрүүдө жана жаңы биргелешкен демилгелерди ишке ашырууда маанилүү кадам болооруна ишеним билдиришти.