Малайзиядагы MAHSA университетинин өкүлү КИУга келди

Малайзиядагы MAHSA University университетинин өкүлү Кыргызстан Ислам университетине (КИУ) расмий иш сапары менен келди. Жолугушуунун алкагында КИУнун студенттери жана окутуучулары үчүн MAHSA университетинин билим берүү мүмкүнчүлүктөрү, эл аралык программалары, академиялык мобилдүүлүк, студенттик жашоо жана илимий изилдөө багыттары тууралуу кеңири презентация өткөрүлдү. Презентациянын жүрүшүндө студенттер чет өлкөдө билим алуу, академиялык алмашуу программалары жана эл аралык кызматташтык боюнча кызыккан суроолоруна жооп алышты. Жолугушуу достук жана өз ара тажрыйба алмашуу маанайында өтүп, эки окуу жайдын ортосундагы кызматташтыкты мындан ары өнүктүрүү маселелери талкууланды. Иш-чаранын соңунда тараптар бири-бирине ыраазычылык билдирип, эстелик белектерди тапшырышты. Бул жолугушуу КИУ менен MAHSA университетинин ортосундагы эл аралык байланыштарды чыңдоого жана келечектеги биргелешкен долбоорлорду өнүктүрүүгө өбөлгө түзөрү белгиленди.