Дин комиссиясынын адиси Нургазы Кыргызбаев "Экстремизм менен күрөшүүдө диний окуу жайлардын орду" аттуу лекция өттү.

Кыргызстан Ислам университетинин студенттерине Кыргыз Республикасынын Дин иштери боюнча комиссиясынын адиси Нургазы Кыргызбаев тарабынан «Экстремизм менен күрөшүүдө диний окуу жайлардын орду» аттуу мазмундуу жана пайдалуу лекция өткөрүлдү. Лекциянын жүрүшүндө экстремизмдин коомго тийгизген терс таасирлери, жаштардын диний сабаттуулугун жогорулатуунун мааниси жана диний окуу жайлардын коомдогу тынчтыкты, ынтымакты жана туруктуулукту сактоодогу ролу тууралуу кеңири маалыматтар берилди. Ошондой эле радикалдуу идеологиялардын алдын алуу, туура диний түшүнүктү калыптандыруу жана жаштарды салттуу баалуулуктардын негизинде тарбиялоо маселелери талкууланды. Нургазы Кыргызбаев студенттерди ар кандай терс диний агымдардан сак болууга чакырып, маалыматтарды ишенимдүү булактардан алуу зарылдыгын белгиледи. Лекция интерактивдүү форматта өтүп, студенттер өздөрүн кызыктырган суроолорду берип, кеңири жоопторду алышты. Иш-чараны Кыргызстан Ислам университетинин уюштуруу бөлүмүнүн башчысы Мухаммед Акимжан уулу уюштурду. Мындай жолугушуулар студенттердин диний аң-сезимин туура калыптандырууда жана коомдук коопсуздукту бекемдөөдө маанилүү роль ойнойт.