5-октябрь "Мугалимдер күнүнө" карата КИУнун уюштуруу бөлүмү жана КИУ студенттик кеңеши тарабынан мугалимдер үчүн уюштурулган чакан иш-чара болуп өттү. КИУнун ректору устаз Абдишүкүр ажы Нарматов жалпы мугалимдерди кесиптик күнү менен куттуктады жана Бүткүл дүйнөлүк жаштар ассемблеясынын Кыргызстандагы кеңсесинин мүдүрү устаз Мухаммад Мады да катышып, белектерин тапшырып, жаңы окуу жылында ийгиликтерди каалады. Иш-чара студенттер тарабынан даярдалган чакан концерттик программа менен коштолуп, анда студенттер мугалимдер үчүн даярдаган куттуктоо, сценка, роликтерин көрсөттү. Соңунда окуу жайыбыздын, кафедралардын өнүгүүсүнө кошкон салымдары үчүн мугалимдерибиз ардак баракчалары менен сыйланды.
