28-сентябрь күнү Россия Федерациясынын Казань шаарында КМШ мамлекеттеринин орто жана жогорку диний билим берүү уюмдарынын ректорлорунун, жетекчилеринин жана кызматкерлеринин катышуусунда диний билим берүү уюмдарынын мугалимдеринин форуму Россия Ислам институтунун 25 жылдыгына арналган “Россиядагы мусулман билиминдеги салттар жана инновациялар” эл аралык симпозиумунун алкагында болуп өттү. Иш-чарага окуу жайыбыздын ректору Нарматов Абдишүкүр устаз жана КИУнун уюштуруу бөлүмүнүн башчысы Ташматов Шермухаммед устаз катышты. Ректорубуз симпозиумда сөз сүйлөп, андан кийин окуу жайдын өнүгүшүнө салым кошкон Россия Ислам институтунун окутуучуларына жана кызматкерлерине сыйлыктарын тапшырды.
