12-апрель КР ЖОЖдор арасындагы Республикалык универсиадасында Кыргызстан Ислам университетинин кичи-футбол курама командасы 2-орунду ээледи. Кыргыз Республикасынын жогорку окуу жайлардын универсиадасында I лиганын КИЧИ-ФУТБОЛ мелдеши болуп өттү. Жалпысынан бул лигада 18 команда ойноп, финалда Баткен мамлекеттик университети жана Ислам университетинин командалары бет келди. Жыйынтыгында КИУ командасы 2-орунду ээлеп, диплом, медал, кубок жана 15000 сом акчалай сыйлыкка ээ болду. Универсиаданы уюштурган Кыргыз Республикасынын маданият, маалымат жана жаштар саясаты министрлигине караштуу дене тарбия жана спорт департаментине терең ыраазычылык билдиребиз.
