Кыргыз Республикасынын эл аралык университети (КЭУ) тарабынан ректору Адиева Айнура Абдужалаловна жана Кыргызстан Ислам университети тарабынан ректору Ибраев Марс Каипович бакалавриат программасы боюнча “Теология” адистигинен адистерди даярдоо тармагындагы кызматташуу келишимине кол коюшту. Келишим “Теология” адистиги боюнча бакалаврларды даярдоо, ошондой эле академиялык жана административдик кызматкерлерди даярдоо тармагындагы кызматташууну камтыйт. Ушул эле күнү Кыргыз Республикасынын эл аралык университетинин президенти Айдаралиев Асылбек Акматбекович Кыргызстан Ислам университетинде конокто болуп, “Теология” адистиги боюнча бакалавриат программасын талкуулады.
